यंदा चांगला अभ्यास करायचाय, पण कसा तेच कळत नाही!

३. अभ्यास चांगला होण्यासाठी आपल्या अभ्यासाची एक विशिष्ट वेळ ठरलेली असावी. त्यासाठी आपली शाळा, क्लास इतर छंद यांचा विचार करुन रोजच्या अभ्यासाचं एक वेळापत्रक करावं आणि आपण केलेल्या वेळापत्रकाप्रमाणे अभ्यास व्हायलाच हवा याबाबत ठाम असायला हवं. आपल्या या अभ्यासाच्या वेळापत्रकात मधे मधे खेळण्यासाठी, आपल्या छंदासाठी वेळ असायला हवा. मधे मधे ब्रेक घेतल्याने , मोकळं खेळून आल्यानं, आपल्याला आवडतो तो छंद जोपासल्यानं अभ्यास केल्यामुळे मनावर जो ताण येतो, मेंदू जो थकतो त्याला आराम मिळतो. आणखी ऊर्जा मिळते आणि नवीन जोमानं अभ्यास करण्याची ताकद मिळते. त्यामुळे चांगला अभ्यास होण्यासाठी किमान पाऊण तास मैदानी खेळ हवाच.

४. अभ्यास करताना आपण आपलेच् ध्येय ठरवायला हवं. प्रत्येकाची ध्येयं वेगळी असू शकतील. उदा. अमूक दिवसात अमूक विषयाचा इतका भाग समजून, नोटस् काढून तयार असायला हवा.. या प्रकारची अभ्यासाची छोटी छोटी ध्येयं ठरवावी. हवं तर आठवडाभराच्या अभ्यासाचं ध्येय आठवड्याच्या सुरुवातीला एका कागदावर लिहून काढावं आणि ते ध्येय डोळ्यासमोर ठेवून अभ्यास करावा. आठवड्याच्या शेवटी आपण ठरवलेलं ध्येयं गाठलं की नाही, किती गाठलं याची चाचपणी आपली आपणच करावी. यामुळे अभ्यास विभागला जातो. अभ्यासाचे छोटे छोटे तुकडे करुन अभ्यास केल्याने तो जास्त चांगला समजतो.

५. शाळेत शिकवलेलं असलं तरी जेव्हा आपण स्वत: अभ्यास करायला बसतो तेव्हा काही गोष्टी अडतात. जे अडलंय ते शिक्षकांना विचारण्यात कमीपणा बाळगू नये, शंका विचारण्यास घाबरु नये. जे अडलंय ते लगेच समजून घेतल्याने अभ्यास चांगला होण्यास मदत होते.