परकीय भाषा शिकण्याचा पुढे जावून काय उपयोग होईल?
Image: freepik
चौथीतून पाचवीत गेलो की एकदम मोठं झाल्यासारखं वाटतं. आपण शहाणे झालो आहोत, आपल्याला कळायला लागलंय याची जाणीव होवून छान वाटायला लागतं. आपल्याला आपले इंटरेस्ट कळू लागतात, स्वत:ची ओळख होवू लागते. तसंच अभ्यासाच्या बाबतीतही नवनवीन विषयांनी एंट्री केलेली असते. आता थोडी अवघड शिकण्याची, जास्त अभ्यास करण्याचीही तयारी झालेली असते. आपण हिंदी-मराठी- इंग्रजी या भाषा शिकतच असतो , या भाषांव्यतिरिक्त फ्रेंच, स्पॅनिश, जर्मन यापैकी एक परकीय भाषा ( फाॅरेन लॅंग्वेज) अभ्यासाला येते.
आपण ज्या हिंदी-इंग्रजी-मराठी या भाषा शिकतो, त्यांचं महत्व, पुढे जावून त्याचा उपयोग, फायदे आपल्याला माहीत असतात. पण ही परकीय भाषा शिकून नेमकं काय मिळणार आहे, हे काही आपल्याला कळत नसतं. त्यामुळे अनेकांना परकीय भाषेचा अभ्यास करणं कंटाळवाणं वाटतं, तर काहींना मात्र परकीय भाषा शिकण्यात आनंद वाटतो, थ्रिल वाटतं. थ्रिल हे फक्त गोष्टीच्या पुस्तकात किंवा चित्रपटात असतं असं नाही. या थ्रिलचा अनुभव आणि आनंद आपण अभ्यासातही घेवू शकतो. परकीय भाषेचा अभ्यास आपल्याला असाच थ्रिलचा अनुभव देतो.
अनेक परदेशी विद्यापिठांनी शाळेत असताना परकीय भाषा शिकण्याचे परिणाम यावर अभ्यास केला आहे. या अभ्यासाच्या निष्कर्षांतून त्यांना एक सोडून अनेक फायदे होत असल्याचं आढळलं आहे. ते वाचून परकीय भाषा शिकण्याची आवड तुमच्यातही नक्कीच निर्माण होवू शकते. मग भलेही शाळेच्या अभ्यासक्रमात परकीय भाषा विषयाचा समावेश नसेल, पण आपण एखादा क्लास लावून ही भाषा शिकायला हवी अशी इच्छा तर नक्कीच निर्माण होईल. परकीय भाषा शिकण्याचे असे काय फायदे आहेत?
हेही वाचा!
परकीय भाषा शिकल्याने काय होतं?
Image: freepik
काय वाटलं वाचून ? मजा आली? नवीन काहीतरी कळलं ?प्रश्न पडले?... लग्गेच कळवा! - कसं कळवणार ?
व्हाॅट्सॲप मेसेज करा : ९११२०५०५००
ईमेल पाठवा : urjaa.online@gmail.com
क्लिक करा, मेसेज लिहा :https://urjaa.online/contact
आईबाबा बघावं तेव्हा हातात फोन घेऊन बसलेले असतात, मी फोन हातात घेतला की मात्र मला बोलतात. त्यांनी फोन बघितलेला चालतो, मग मी का नाही?
- साजुली वडनेरे
-आईबाबा सतत फोन वापरतात म्हणजे त्यावर फक्त टाईमपास करतात असं नाही. हल्ली ऑफिसची बरीचशी कामं ही मोबाइलवरच सुरु असतात. कदाचित घरी असतानाही आईबाबांना मोबाइलवरुन ती कामं करणं आवश्यक असतं. तो त्यांच्या ऑफिसमधल्याच कामाचा भाग असतो. त्यामुळे त्यांना मोबाइल बघण्याची इच्छा नसली तरी त्यांना तो पाहावाच लागतो. या मोबाइलमुळेच हल्ली आई बाबा ऑफिसमधून घरी आले तरी घरी आल्यासारखे वाटतच नाही.
आपल्याशी ते गप्पा मारत असले, खेळत असले किंवा आपण मस्त एकत्र बसून चित्रपट पाहात असलो, जेवत असलो तर मध्येच आई किंवा बाबांना फोन येतात. मग ते कामाचे असले की घ्यावेच लागतात. एवढंच कशाला घरी असताना कामाचे फोन आले की हातातली कामं सोडून आई बाबांना अनेकदा लॅपटाॅप उघडून काम करावं लागतं. यामुळे आपला जसा हिरमोड होतो तसा त्यांचाही होतो. घरी आल्यावर त्यांना आपल्यासोबत वेळ घालवायचा असतो. पण कामाला नाही म्हणता येत नाही. हा त्यांचा नाईलाज असतो. त्यामुळे आई बाबा जेव्हा मोबाइल पाहात असतात तेव्हा प्रत्येक वेळी ते टाइमपासच करत असतात असं नाही.
हेही वाचा!
- आई बाबांच्या मोबाइलवर तुझ्या शाळेचा, शिक्षकांचा, तुझ्या मित्र मैत्रिणींच्या पालकांचाही ग्रुप असेल. त्यावर आलेल्या सूचना, माहितीही आईबाबांना बघावी लागत असणारच.
मुलांनी अभ्यास वह्या पुस्तकातूनच करायचा असतो. त्यामुळे विरंगुळा म्हणून थोडावेळ तू मोबाइल बघितलास तर आईबाबा ते समजून घेतात. पण तू जर जास्तच वेळ मोबाइल पाहाण्यात घालवलास तर ते तुला रागावणारच.
- मोबाइल बघण्यात वेळ घालवण्यापेक्षा अभ्यास करणं, मैदानावर जाऊन मित्रमैत्रिणींसोबत खेळणं, पुस्तकं वाचणं हे तुझं आत्ता सगळ्यात महत्त्वाचं काम आहे. तू ते करावं अशी इच्छा आईबाबांची असते.
-लहान मुलांनी सतत मोबाइल बघितला तर त्याचे त्यांच्या डोळ्यांवर, बुद्धीवर, वाढीवरही दुष्परिणाम होतात. त्यामुळे आईबाबा जरी मोबाइल बघत असले तरी आपण मात्र तो कमीच बघावा, त्यातच आपला फायदा आहे.
काय वाटलं वाचून ? मजा आली? नवीन काहीतरी कळलं ?प्रश्न पडले?... लग्गेच कळवा! - कसं कळवणार ?
व्हाॅट्सॲप मेसेज करा : ९११२०५०५००
ईमेल पाठवा : urjaa.online@gmail.com
क्लिक करा, मेसेज लिहा :https://urjaa.online/contact