फुलपाखरांसाठी काम करणाऱ्या डंकनच्या बागेत आहेत ५००० फुलपाखरं!

संपूर्ण फ्लोरिडामधे फुलपाखरांची बाग तयार व्हावी हे डंकनचं ध्येय आहे आणि त्यासाठी तो प्रयत्न करतो आहे. पण हे ध्येय साध्य करण्यासाठी त्याला जास्तीत जास्त लोकांची मदत लागणार आहे. म्हणून डंकन आता फ्लोरिडा राज्यात विविध ठिकाणी प्रवास करुन लोकांना फुलपाखरांबद्दल माहिती देत आहे. फुलपाखरांचे अधिवास घटत चालल्याने, हवामान बदलामुळे, शेतीत जास्तीत जास्त रासायनिक खतं आणि किटकनाशकं वापरल्याने फुलपाखरांची संख्या कशी कमी होतेये, पर्यावरणाचं आरोग्य सुदृढ राहण्यासाठी, निसर्गातील जैवविविधता टिकावी यासाठी फुलपाखरं किती महत्त्वाची आहे, आपण आपल्या बागेत फुलपाखरांसाठी कशी जागा निर्माण करु शकतो, त्याद्वारे फुलपाखरांची संख्या कशी वाढवू शकतो याची सविस्तर माहिती डंकन मोठ्या माणसांन, लहान मुलांना देतो. त्याचा परिणाम म्हणजे फ्लोरिडातील विविध शहरातल्या शाळांनी शाळेत फुलपाखरांची बाग तयार केली आहे. डंकनच्या पुढाकारातून वेस्टन येथील त्याच्या शाळेतही फुलपाखरांची बाग तयार झाली आहे. या बागेत फुलपाखरांच्या ५० प्रजाती आढळतात. डंकनने घरी तयार केलेल्या बागेतून २०२० पर्यंत ५००० फुलपाखरं सोडली होती.