कोकाटोज म्हणजे पांढरे पोपट.आपल्या गरजांसाठी टूलकिट वापरतात!

कोकाटोज हे हुशार असतात पण ते किती बुध्दिमान असतात हे मात्र आतापर्यंत माहित नव्हतं. पण त्याचं उत्तर आता मिळालं आहे. हे कोकाटोज हुशार असतात, बुध्दिमान असतात, त्यांची आकलन शक्ती चांगली असते. समोरची परिस्थिती समजून योग्य गोष्टींचा वापर करण्याच्या बाबतीत ते चिंपाझी इतके बुध्दिमान असतात हे संशोधकांनी आपल्या प्रयोगातून दाखवून दिलं आहे. कोकाटोजमध्ये एकापेक्षा अनेक साधनं वापरुन समस्या सोडवण्याचं कौशल्य असतं, जे फार कमी प्राण्यांमध्ये आढळतं. नवीन संशोधनानुसार कोकाटोज हे पहिले पक्षी आहेत जे स्वत:ची गरज ओळखून त्याप्रमाणे एकापेक्षा जास्त साधनं (टूलकिट) वापरतात. आपलं टूलकिट ते सोबत घेवूनही उडतात. आपली गरज पूर्ण करण्यासाठी सोबत आणलेल्या टूलकिटचा हुशारीने वापर करतात. ऑस्ट्रिया आणि लंडन येथील संशोधकांनी गुफिन जातीच्या १० कोकाटोजवर प्रयोग केला. या प्रयोगाचे निष्कर्ष 'करंट बायोलाॅजी' या जर्नलमध्ये प्रसिध्द करण्यात आले आहेत. हे निष्कर्ष कोकाटोजबद्दल जगाला माहित नसलेल्या गोष्टी सांगतात.