८ तास पंखांची फडफड न करता उडणारा अल्बाट्रोस पक्षी आहे की विमान?

आपल्याला कितीही फिरण्याची हौस असली तरी प्रवास करुन काही काळानं थकवा येतोच. प्रवास नको, आता आराम हवा , असा विचार येतोच. पायी असू देत किंवा विमानात बसून आरामशीर केलेला प्रवासा असू देत, प्रवास हा प्रवासच असतो. त्याने थकायला होतंच. ही झाली आपल्या माणसांची गोष्ट. पण पक्ष्यांचं काय? पक्ष्यांचं जग, जगणं, त्यांच्या सवयी, क्षमता माणसांपेक्षा वेगळ्या आहेत. म्हणूनच माणसांना अशक्य वाटणाऱ्या अनेक गोष्टी पक्ष्यांसाठी सहज बाब असते. जराही विसावा न घेता एक वर्षापेक्षा जास्त काळ उडणारा पक्षी तुम्हाला माहीत आहे का? तुम्हाला तर वाटेल असा पक्षी फक्त कल्पनेत असू शकतो, वास्तवात नाही. पण खरंच असा पक्षी आपल्या पृथ्वीवर आहे. त्याला अल्बाट्रोस या नावानं ओळखलं जातं. हा पक्षी समुद्रपक्षी आहे. दक्षिण समुद्र आणि उत्तर पॅसिफिक येथे अल्बाट्रोस आढळतो. अंटार्कटिक खंड, उपोष्णकटिबंधीय पाण्यावर तसेच दक्षिण गोलार्धात अल्बाट्रोस आढळतात. पण अपवाद म्हणून हवाई बेटांवरदेखील अल्बाट्रोसचं अस्तित्त्व आहे.