आदित्यने थांबवला २ कोटी ६० लाख प्लॅस्टिक स्ट्राॅचा वापर! तो कसा?

सुरुवातीला शाळा, अभ्यास आणि काम करताना आदित्यची खूप धावपळ व्हायची. पण म्हणून त्याने काम थांबवलं नाही. शाळा आणि अभ्यास यामुळे रोज कामाला पुरेसा वेळ देता येत नाही म्हणून तो शनिवार आणि रविवार हे दोन दिवस तो पूर्ण आपल्या कामासाठी देतो. त्याने कामाला सुरुवात केली तेव्हा आपण प्रयत्न करुन ५०,००० प्लॅस्टिकचा स्ट्राॅचा वापर थांबवायचा असं ध्येय ठरवलं होतं. पण प्रत्यक्षात त्याने २ कोटी ६० लाख प्लॅस्टिक स्ट्राॅचा वापर थांबवून दाखवला. सिंगल यूज प्लॅस्टिक न वापरण्याबाबत १५० व्यावसायिक लोकांचे ( हाॅटेल, कॅफे , रेस्टाॅरण्टचे मालक) मन वळवण्यात तो यशस्वी झाला. आता आदित्यने झाडं लावण्याच्या मोहिमेतही भाग घेतला आहे. प्लॅस्टिकचा वापर थांबवून त्याला पृथ्वी स्वच्छ आणि आरोग्यदृष्ट्या सुरक्षित करायची आहे, तर झाडं लावून ती हिरवीगार करायची आहे. 

आदित्यने सिंगल यूज प्लॅस्टिकचा वापर थांबवण्यासाठी सुरु केलेल्या कामाचं कौतुक फक्त गुरुग्राममध्येच झालं असं नाही. २०२० मध्ये 'ॲक्शन फाॅर नेचर' या आंतरराष्ट्रीय संस्थेद्वारे 'इंटरनॅश्नल यंग इको हिरो' म्हणून त्याचा गौरव करण्यात आला. संयुक्त राष्ट्र संघटनेच्या विकास कार्यक्रमात त्याला प्रशिक्षणार्थी म्हणून सहभागी होण्याची संधी मिळाली. अशी संधी मिळवणारा १८ वर्षाखालील आदित्य हा पहिला मुलगा आहे.