मित्राला मदत करण्यासाठी सरबताची गाडी. एवढुशा मुलाला एवढी समज?

हवाई हे अमेरिकेचे प्रशांत महासागरच्या मध्यभागी असलेला एक प्रांत. हा प्रांत बेटांनी वेढलेला आहे. मोआई बेटावरच्या जंगलाला लागलेल्या आगीत मित्राचं घर गेलं म्हणून हजारो मैलांवर राहणारा आठ वर्षांचा ज्युलियन दु:खी झाला. आपल्या मित्राच्या मदतीसाठी उभा राहिला. हे हवाई प्रांतातलं एक बेट. या बेटावरील जंगलाला ऑगस्ट २०२३ मध्ये आग लागली. ही आग म्हणता म्हणता हजारो एकरांवर पसरली. यात शेकडो माणसं मृत्यूमुखी पडली. प्राणी-पक्षी मृत्यूमुखी पडले. जंगलाची मोठी हानी झाली. हजारो लोकांची घरं या आगीत भस्मसात झाली. अनेक लोकं बेपत्ता आहेत. ती जिवंत आहेत की मृत्यूमुखी पडली हे कोणालाही सांगता येत नाहीये. मोआई बेटावरच्या जंगलाला लागलेल्या आगीत मित्राचं घर गेलं म्हणून हजारो मैलांवर राहणारा आठ वर्षांचा ज्युलियन दु:खी झाला. आपल्या मित्राच्या मदतीसाठी उभा राहिला. मोआईच्या जंगलातल्या आगीची बातमी जगभर पसरली. गेल्या काही वर्षांपासून जंगलांना आगी लागण्याचं, वणवा पेटण्याचं प्रमाण जगभरात वाढलं आहे. तशीच ही मोआईची घटना म्हणून अनेकांनी बातमी वाचली आणि वाचून ती विसरुन गेले. पण ८ वर्षांचा ज्युलियन लीन आणि त्याची आई मात्र या बातमीने घाबरले, अस्वस्थ झाले.