१४ वर्षांच्या करणवने लिहिलीत ११ पुस्तकं. तो पुस्तकातून काय सांगतोय?

जसजसा हवामान बदलाचा प्रश्न गंभीर होत आहे तसा लोकांचा या प्रश्नाकडे बघण्याचा दृष्टिकोन बदलतो आहे. जगभरातून पर्यावरणावर काम करणारी माणसं हवामान बदल, त्याचे परिणाम , ते रोखण्यासाठी आपण काय करु शकतो हे इतरांना समजून सांगंयासाठी, त्याचं गांभीर्य इतरांना पटवून देण्यासाठी प्रयत्न करत आहे. शिवाय हवामान बदलाचे परिणाम कमी करण्यासाठी, ही गंभीर गोष्ट थांबवण्यासाठी अनेकजण त्यावर पर्याय शोधत आहेत. पर्यावरण वाचवण्यासाठी प्रयत्न करणाऱ्यांमध्ये, धडपडणाऱ्यांमध्ये लहान मुलंही मागे नाही. उलट आम्ही लहान असलो म्हणून काय झालं पण आम्ही हे करु शकतो म्हणत मुलंही पर्यावरण संरक्षणासाठी कार्यकर्ते म्हणून काम करत आहेत. मुलांनी पर्यावरण, हवामान बदल या विषयांवर काम करणं हा मोठ्यांसाठी फक्त कौतुकाचाच विषय ठरला नाही तर अनेकांना मुलांच्या कामातून आपणही काम करण्याची प्रेरणा मिळते आहे. मुंबईचा १४ वर्षांचा करण रस्तोगी हा असाच लहान मोठ्यांना आपल्या कामातून शहाणं करतो आहे, प्रेरणा देतो आहे. करणवने सहा वर्षांचा होता तेव्हापासून पर्यावरणावर पुस्तकं लिहिण्यास सुरुवात केली. ' कार्तिक ॲण्ड मिक्सी: अ जर्नी अबाउट क्रिएशन' नावाचं पुस्तक लिहिलं. तो आठ वर्षांचा असताना ते प्रसिध्द झालं.