पेपर सोडवताना मधे मधे पाणी प्यायल्यास खरंच मार्क्स चांगले मिळतात का?

परीक्षेला जाताना सोबत पेन-पेन्सिल, कंपास, रायटिंग पॅड यासारखं साहित्य घेतलं की नाही याची आपण खात्री करुन घेतो. पेपर सोडवताना हे साहित्य असणं आवश्यकच असतं. यातलं एक जरी घरी विसरलो तर पेपर नीट लिहिता येणार नाही हे आपल्याला माहित असतं. हे सर्व साहित्य सोबत घेतल्यानंतर तुम्हाला वाटेल की आपण परीक्षेच्या दृष्टीने जे महत्त्वाचं आहे ते सर्व घेतलं आहे. या सर्व साहित्याची खात्री करुन घेताना, आपल्या बॅगमध्ये परीक्षेसाठीचं साहित्य भरताना आपण पाण्याची बाटली सोबत घेतली की नाही हे पाहाणंही खूप आवश्यक आहे. परीक्षेला जाताना सोबत पाण्याची बाटली नेणे, पेपर लिहित असताना मधून मधून थोडं थोडं पाणी पिणे ही परीक्षेत मिळणाऱ्या मार्कांसाठी अतिशय महत्त्वाची बाब आहे.

अनेकजण पेपर लिहिताना शू ला जावं लागू नये म्हणून पाणीच पित नाही. असं केल्याने आपण आपला वेळ वाचवला असं जरी त्यांना वाटत असलं तरी परीक्षेतल्या मार्कांच्या दृष्टीने मात्र ही फायद्याची बाब नाही असं शास्त्रज्ञ आणि संधोधक सांगतात.