आर्यलंडच्या समुद्रातील माशांनी आपला मुक्काम का हलवला?

आर्यलंड हे युरोपमधील एक बेट. या बेटावरचा दराग मॅकगुईनेस नावाचा तरुण. त्याचा मासेमारीचा व्यवसाय. शाळा संपल्यानंतर दराने मासेमारी करण्याचा व्यवसाय निवडला. कारण मासेमारी करुन भरपूर पैसे मिळतात हे त्याने बघितलं होतं. येथील समुद्रात चांगल्या प्रतीचे मासे  आणि त्यांना बाजारात मिळणारा भाव यामुळे दराकने मासेमारी करायला सुरुवात केली. त्याच्याकडे मासेमारी करण्यासाठीची बोटही आहे. हा व्यवसाय सुरु केल्यावर सुरुवातीची वर्षं त्याला मासेमारीतून चांगला फायदाही झाला. पण यंदा म्हणजे २०२३ मध्ये चित्र वेगळं आहे. दराग मोठा चिंतेत आहे. तो मासेमारी करायला समुद्रात जातो, पण त्याला पुरेसे मासेच मिळत नाही. रोज माशांची संख्या घटतेच आहे, हे त्याच्या लक्षात येतंय. मासेच मिळत नसल्याने त्याला ते विकून फारसे पैसेही मिळत नाहीये. यापुढील काळात आपल्याला मासेमारी बंद करावी लागेल की काय, अशी भीती दरागला वाटू लागली आहे.