मोठ्यांचं लहान्यांनी नेहमीच ऐकायचं, मग लहान्यांचं मोठे ऐकणार की नाही?

जेव्हा केव्हा आईच्या मैत्रिणी घरी येतात तेव्हा ती चहा किंवा काॅफी करणार म्हणजे करणारच. मग त्या दोघी गप्पा मारत चहा पिणार मग मधेच कधीतरी आई मावशीला काहीतरी दाखवायला उठणार मग त्या मावशीला हुक्की येणार, आणि ती घाईघाईने कप उचलून स्वैपाकघरात नेणार तेवढ्यात आई येणार मग ती ते कप

घेण्याचा प्रयत्न करणार. मग दोघीजणी,

'अगं कशाला?'

'राहू दे!'

'मी उचलते ना..'

'चालतं गं एवढं काय त्यात?'

असल्या वाक्यांची फेकाफेक करणार. कोणीतरी जिंकणार आणि कप आत घेऊन जाणार. मी अगदी गपचूप कोपऱ्यात बसून मोबाईलवर यूट्यूब बघत नाहीतर गेम खेळत बसलेले असणार मग माझा काय संबंध त्या कपाशी किंवा चहाशी? पण तसं नसतं…ती मावशी गेली रे गेली की आईसाहेब आधी काय करणार तर माझ्या अंगावर ओरडणार.

'एवढंही समजत नाही का गं तुला? बाहेरचं माणूस आपल्या घरात कप उचलून ठेवतंय. बरं वाटतं का?'

माझ्या मनात येतं, की 'पण ती मावशीच म्हटली होती की; चालतं गं, एवढं काय त्यात?' पण हे उत्तर आईला थोडीच देता येतं? त्यामुळे आपण काहीच म्हटलं नाही तर तीच पुढे म्हणते, 'अगं पटकन पुढे व्हावं. कप घ्यावेत. मी करते म्हणावं.'

'अगं आई पण मावशीने मला सांगितलं नाही, नाहीतर मी केलं असतं.'

चूक! चूक! चूक! एकदम चुकीचं उत्तर! त्याचा रिझल्ट लग्गेच मिळतोच