मी शाळा सोडून फूल टाइम क्रिकेट खेळलो तर काय बिघडलं ?

रोहन शांतपणे ऐकत होता. पटकन म्हणाला,' मी उठत जाईन ना पहाटे रोज!'

आई पुढे सांगत होती, 'आणि राहुल द्रविड नाव ऐकलंस ना! आता कोच आहेत आपले. तो तर ग्रॅज्युएट आहे. एमबीए करणार होता, पण पुढे नाही करता आलं त्याला! अनिल कुंबळे तर इंजिनिअर होता. पण ते जाऊ दे! सचिन तेंडूलकर घे, त्यानं नाही शाळेत अभ्यास केला!

पण त्याचे सर त्याला दिवसाला सहा सहा तास प्रॅक्टिस करवत!

आणि प्रॅक्टिस म्हणजे तरी काय अभ्यासच ना? तू शाळेत पाढे पाठ करतोस, लक्षात रहावी म्हणून उत्तरं पुन्हा पुन्हा वाचतो. पुस्तकं वाचतो. गणित सोडवतो. तो एक अभ्यास. आणि मैदानात जाऊन एकेकच शॉट हजारवेळा खेळून खेळून घोटून पाठ करणं तो दुसरा अभ्यास. अभ्यास तर करावाच लागतो. खेळून स्पोर्ट्समन व्हायचं असलं तरी शाळेचा अभ्यास यासाठी करायचा की आपल्याला नवीन विषय कळतात, क्रिकेटचे जसे रेकाॅर्ड असतात तसे माणसांच्या इतिहासाचे असतात. भूगोल-भौतिकशास्त्र-जीवशास्त्र सगळ्यात काहीनाकाही गंमत असते. ती गंमत कळली ना तर ती तुला तुझ्या खेळात पण वापरता येते. शेवटी क्रिकेट काय आहे दिल का गेम दिमाग से!

तू बघ तुझा दिमाग तुला तेज करुन हवा आहे की नको?'