१४ वर्षांच्या काल्याने जगाला कौतुक वाटावं असं केलं धाडस!

मागच्या वर्षी एका सुटीच्या दिवशी काल्या , त्याचा भाऊ किथमी हे दोघे आपल्या आईसोबत न्यूझिलंडमधील दक्षिण ओटॅगो येथील क्रिस्टाॅल्स बीच येथे फिरायला गेले. खेळता खेळता १२ वर्षांचा किथमी समुद्राच्या पाण्यात उतरला. थोड्याच वेळात समुद्राच्या लाटांनी त्याला आत ओढलं. खरंतर किथमी याला चांगलं पोहोता येत होतं. पण समुद्राच्या तीव्र लाटांनी किथमीचे पायच जखडून टाकले. या वेगवान लाटांनी किथमीला समुद्राच्या पाण्यात ओढले आणि किथमी त्या लाटांसोबत वाहून जायला लागला. तो किनाऱ्यापासून ६० मीटर दूर वाहात गेला. लाटांनी त्याला आपल्यासोबत अशा ठिकाणी नेलं जिथून कोणीच जिवंत परत नाही असं त्या स्पाॅटबद्दल न्यूझिलंडमध्ये बोललं जातं. आता आपली सुटका नाही, आपण मरणार याची किथमीला खात्री पटली. त्याने ओरडून आईला ' आई मी आता चाललो आहे, मी परत येणार नाही कदाचित ' असं ओरडून सांगितलं. आपला मुलगा असा आपल्या डोळ्यादेखत वाहात चाललेला बघून किथमीच्या आईच्या हातापायातली शक्तीच गेली. ती असाहय्यपणे आपल्या किथमीसाठी रडत होती, ओरडत होती. आपल्या वाहून जाणाऱ्या भावाल आणि त्याच्या दुखात व्याकूळ झालेल्या आईला बघून काल्याने कसलाही विचार न करता किथमीला वाचवण्यासाठी पाण्यात उडी घेतली.