मी ऑनलाइन काय पाहू? मुलांना पाहण्यासाठी तिथे काय आहे?

सुटी म्हटलं की तुम्हाला काय करु आणि काय नको असं होत असेल ना? स्केटिंगचा क्लास लाऊ की स्विमिंगचा? आजी आजोबांच्या घरी राहायला जाऊ की समर कँपला? आज जेवायला आमरस पुरी खाऊयात की पिज्झा? प्रश्न आणि ॲक्टिव्हिटी हजार आहेत पण सुटीचे फक्त दोन महिने. त्यात टिव्ही, मोबाईलवर काय बघू हाही प्रश्न तुम्हाला पडला असेलच. कारण मोबाईल, लॅपटॉप, टिव्ही सगळीकडे एंटरटेनमेंटचा धमाका आहे. पण होतं काय, बऱ्याचवेळा आपण चांगलं काही तरी बघण्याची संधी गमावतो. सध्या एन्फोटेनमेंट म्हणजे माहिती आणि मनोरंजन याची सरमिसळ असलेले अनेक चांगले कार्यक्रम उपलब्ध आहेत. अनेक कार्यक्रम असे आहेत जे तुम्ही, तुमची भावंडं, आईबाबा, मित्रमंडळी मिळून बघू शकाल. अशा चांगल्या चांगल्या कार्यक्रमांबद्दल, चित्रपटांबद्दल, माहितीपटांबद्दल आपण या सदरात जाणून घेऊयात. ते कुठे बघता येतील याची माहिती सुद्धा मी देईन.