विनिशानं शोधला झाडं वाचवण्याचा सॉलिड ‘सोलर’ पर्याय !

हे पाहून विनिशाला प्रश्न पडू लागले. या उत्तरांचा ती इंटरनेटवर शोध घ्यायची. तेव्हा तिला काही गोष्टी प्रामुख्याने समजल्या. जसे वापरुन झालेला कोळसा नंतर निरुपयोगी ठरतो. या जळालेल्या कोळशाने हवा प्रदूषित होते. हा कोळसा बनवण्यासाठी झाडं तोडली जातात.१ किलो कोळसा बनवण्यासाठी १२ झाडं तोडली जातात. आपल्या देशात साधारणत: १ कोटी धोबी आहेत. त्यातले बहुतेकजण हे अजूनही कोळशावरची इस्री वापरतात. एक धोबी दिवसाला साधारणत: ५ किलो कोळसा वापरतो. हा कोळसा जाळल्यामुळे कार्बन डाय ऑक्साइड या ग्रीन हाउस गॅसची निर्मिती होते. तसेच कोळशाची इस्त्री चालवणाऱ्या लोकांनाही विविध आरोग्यविषयक समस्यांना तोंड द्यावं लागतं. हे सर्व वाचून विनिशाला आपण काहीतरी करायला हवं असं वाटलं. तिनं काय करता येईल याचा अभ्यास सुरु केला. इस्त्रीसाठी कोळशाऐवजी काय वापरता येईल याची विनिशा शोध घेत होती. विनिशा आठवीत होती. पण सोलर पॅनलमुळे कशी वीज निर्मिती होते, सोलरद्वारे निर्माण होणाऱ्या विजेचा वापर आपण कुठे कुठे करु शकतो, याचा तिने अभ्यास करण्यासाठी अकरावी- बारावीची भौतिकशास्त्राची पुस्तकं आणून त्याचा अभ्यास सुरु केला. या अभ्यासातून तिला ' सोलर आयर्न कार्ट' म्हणजे सोलरवर चालणाऱ्या इस्री गाड्याची कल्पना सूचली.