द वर्ल्डस अग्लीएस्ट लाॅन्स काॅम्पिटीशन’. ही कुठली अजब स्पर्धा?

आपल्या घरासमोरचं लाॅन्स/ हिरवळ हे दिसायला खूप छान दिसते. यामुळे आपल्या घराची शोभा वाढते. पण लाॅन राखणं, हिरवळीची काळजी घेणं ही सोपी बाब नाही. यासाठी खूप पाणी लागतं. शिवाय अनेक लोकं आपल्या लाॅन्समधील हिरवळ चांगली यावी, दाट यावी, लवकर यावी यासाठी मोठ्या प्रमाणात खतांचाही वापर करतात. पण याचा फायदा लाॅन्स वाढण्याला होत असला तरी माणसावर, पक्ष्यांवर, पर्यावरणावर त्याचा वाईट परिणाम होतो. शिवाय झाडांची बाग जशी सावली देते, फळं, फुलं, भाज्या देते तसं काहीच लाॅन्सकडून मिळत नाही. या हिरवळीकडे आकर्षित होवून मधमाशा, फुलपाखरं, पक्षी असे कोणीच येत नाही. त्यामुळे परागीभवन होवून वेगवेगळ्या ठिकाणी बी रुजण्यास मदतही होत नाही. उलट या लाॅन्सची तहान इतकी आहे की त्यांना पाणी पुरवणं हे पाण्याच्या कमतरतेचा सामना करणाऱ्या गाॅटलंड बेटाला अवघड होत आहे. त्यामुळे गेल्या काही वर्षांपासून लाॅन्स नकोच, लाॅन्सचं रुपांतर बागेत करा अशी मोहीमच गाॅटलंडमध्ये सुरु आहे. लाॅन्स काढून कमीत कमी पाणी लागेल/ अजिबात पाणी लागणार नाही अशी रानटी फुलांची झाडं लावावीत, गवत लावावे, फळं-भाज्यांची लागवड करावी नाहीतर बागेत दगडांची सुंदर रचना करावी असं आवाहन या स्पर्धेची जाहिरात करताना केलं जात आहे.