आरुषीने शोधला वाया जाणारं पाणी वाचवण्याचा प्रभावी उपाय!

आपल्या या ॲक्वा पाॅडसच्या प्रोजेक्टबद्दल बोलताना आरुषी सांगते की आपण जे शिकतो, ते जर डोळे, डोकं उघडं ठेवून शिकलो, आपण काय शिकलो याचं मनन केलं, जे शिकलो त्याचा उपयोग करुन बघितला की ॲक्व पाॅड्स सारखे पर्यावरणाला पुरक आणि फायदेशीर गोष्टी तयार होतात. सातवीच्या विज्ञानाच्या पुस्तकात घटक पसरणे ( पसारण) घटकांचं शोषण होणं ( परासरण) या संकल्पना शिकण्यास होत्या. शिवाय घरी आई बाबा बागेतल्या झाडांसाठी चहाची पानं, काॅफीचा भुसा यांचा खत म्हणून वापर करायचे. शाळेत जे शिकत होते, घरी जे पाहात होते त्याचं एकत्र मिश्रण करुन जी नवीन गोष्ट शोधली ती म्हणजे ॲक्वा पाॅडस . कोणत्याही समस्येवरचा उपाय शोधणं अवघड असलं तरी अशक्य नसतं असं आरुषी म्हणते. त्यासाठी आपल्याला आपल्याकडच्या ज्ञानाला आवाहन द्यावं लागतं, आपल्याला खूप प्रश्न पडावे लागतात, त्याच्या उत्तरांचा आपण न कंटाळता आणि थकता शोध घ्यावा लागतो. , जे शिकलोय, जे पाहिलंय त्यातून जे सूचतंय ते कृतीत उतरवून पाहावं लागतं. तेव्हा यश नक्की मिळतं.