अवकाशात हरवलेल्या एका टमाट्याचं रहस्य! हरवलेला टमाटा कोणाला सापडला?

डाॅ. फ्रॅंक रुबियो हे ४७ वर्षांचे अमेरिकन अंतराळवीर. त्यांनी डाॅक्टर होण्यासाठीचा अभ्यास केला होता. त्याआधी ते अमेरिकेच्या लष्करात हेलिकाॅप्टर उडवायचे. सप्टेंबर२०२२ मध्ये ते अवकाशात गेले. पण डिसेंबर महिन्यात रुबियो आणि  दोन रशियन अंतराळवीर ज्या सोयूझ अवकाश यानात होते ते यान अवकाशातल्या एका दगडावर आपटले. त्यामुळे या यानाची थंड होण्याची यंत्रणा  नादुरुस्त झाली. त्यामुळे सोयूझ अवकाशयान रुबियो आणि त्यांच्या दोन रशियन अंतराळवीर साथीदारांना पृथ्वीवर परत सोडू शकत नव्हता. त्यामुळे रुबियो यांना इंटरनॅशनल स्पेस स्टेशनवरुन पृथ्वीवर परतण्यासाठी नवीन मार्ग शोधावा लागणार होता.

फेब्रुवारी २०२३ मध्ये  रिकामं सोयूझ अवकाशयान रुबियो आणि दोन रशियन अंतराळवीर यांना घेण्यासाठी अवकाशात आलं. पण या अवकाश यानाने २ अंतराळवीर पृथ्वीवरुन येणं अपेक्षित होतं. पण रुबियो यांना परत पृथ्वीवर आणण्यासाठी सोयूझ हे अवकाश यान रिकामं आलं होतं. त्यामुळे जे दोन अंतराळवीर सोयूझने येवू शकले नाही त्यांचं काम रुबियो आणि दोन रशियन अंतराळवीरांना करावं लागणार होतं. त्यामुळे डाॅ. रुबियो नियोजित वेळेप्रमाणे मार्च २०२३ मध्ये पृथ्वीवर पोहोचू शकले नाही. ते सप्टेंबर २०२३ मध्ये ३७१ दिवस दिवसांनी परत पृथ्वीवर आले. वर्षभर रुबियो इंटरनॅशनल स्पेस स्टेशनवर होते. तिथे त्यांनी वेगवेगळ्या देशातील २८ अंतराळवीरांसोबत वेगवेगळ्या मिशनवर काम केलं.