गुडघा छातीला लावा थकवा घालवा! व्यायामाने खरंच थकवा जातो का?

काय, मजा येतेय का व्यायाम करायला? काय सांगता तुमचा प्राॅब्लेम वेगळा आहे. शाळा  सुरु झाली. क्लासेस सुरु झाले. त्यामुळे तासनतास एका जागी बसून अभ्यास करावा लागतोय ना. एका जागी खूप वेळ बसायचं म्हटलं की त्या विचारानेच आपल्याला टेन्शन येतं. मग थोडा वेळ होत नाही की शरीराची चूळबूळ सुरु होते. दोन तीन तास मग असा बसून अभ्यास केला की इतका थकवा येतो की आता पुढे काहीच करावंसं वाटत नाही. पाठ दुखायला लागते. अभ्यास तर काही संपलेला नसतो, थोडा वेळानं पुन्हा बसायचं असतं अभ्यासाला. पुन्हा बसून उत्साहानं अभ्यास करायचा असेल तर मग पाठीला आराम द्यायला हवा. आता हा आराम देण्यासाठी एक सोपा व्यायाम करायला हवा. व्यायाम आपल्या शरीराला मजबूत करण्यासोबतच आपल्या शरीराला आराम देण्याचं कामही करतो.

तसंही तुम्हाला झोपायला, लोळायला, झोपून टाइमपास करायला फार आवडतं, हे मला माहीत आहे. त्यामुळे आता अधूनमधून काही झोपून करायचे व्यायाम मी तुम्हाला सांगणार आहे.

 असाच एक हटके व्यायाम आहे, ‘नी टू चेस्ट स्ट्रेचेस’ एक्सरसाइज.