लॅटरल लेग लिफ्टस व्यायाम करुन अंगातल्या आळसाला बाहेर काढा!

एकदा शाळा सुरु झाली की मैदानावरच्या खेळांना ब्रेक लागतो. कारण शाळा, क्लास असेल तर क्लास, दोन्हींचा अभ्यास असं बरंच काही आपलं दिवसभर सुरु असतं. मग मित्रांसोबत जावून मैदानावर खेळ खेळायला वेळ मिळतंच नाही, मिळाला तरी कमी मिळतो. अनेकजण ग्राउण्डवर जावून खेळण्यासाठी शनिवार रविवारचा दिवस निवडतात. पण अनेकजण मात्र बशे आणि झोपेच असतात. आता तुम्ही म्हणाल हे काय नवीन? पण हे नवीन नाही. तुमच्यासारख्या अनेकांचा तो गुणधर्म आहे. म्हणजे मिळाला वेळ की लोळत पडणारे, लोळत टीव्ही पाहाणारे असे ते झोपे आणि बशे म्हणजे ठम्यासारखे एका जागी बसून राहाणारे. इतरांना पाहून कंटाळा येतो, पण या एका जागी बसून राहाणाऱ्यांना मात्र कंटाळा येत नाही. बसल्या बसल्या टीव्ही पाहाणे, मोबाइलवरचे गेम खेळणे असा त्यांचा टाइमपास सुरु असतो. हे म्हणजे बशे. तर सतत लोळल्याने, एकाच जागी बसल्याने अंगात आळस भरतो. अंगात आळस भरला तर साधं समोरचं जेवायचं ताटही जेवण झाल्यानंतर उचलून ठेवण्याची इच्छा होत नाही. तुम्ही तर सर्व विद्यार्थी. तुम्हाला अभ्यास, प्रोजेक्ट असं किती आणि काय काय करावं लागतं. यासाठी अंगात उत्साह तर हवा ना. आणि उत्साह मिळवण्यासाठी आधी अंगात शिरलेला आळस बाहेर काढायला हवा. त्यासाटी एकदम फायदेशीर व्यायाम आहे. हा व्यायाम म्हणजे 'लॅटरल लेग लिफ्टस