गावाला वाचवण्यासाठी इस्थरने शोधला झाडं लावण्याचा उपाय

मालवी. पूर्व आफ्रिकेतील देश. झोम्बा हेया देशातलं एक शहर. या शहराजवळच्या एका गावात इस्थर नावाची १७ वर्षांची मुलगी राहाते. इस्थर हवामान बदलाचा जो परिणाम आपल्याला गावाला सहन करावा लागतोय , त्या परिणामाची तीव्रता कमी करण्यासाठी प्रयत्न करतेय. आपण हवामान बदलाबद्दल रोज काहीना काही ऐकतो, वाचतो. पण इस्थर हवामान बदलाचा परिणाम नुसता ऐकला, वाचला नाही तर प्रत्यक्ष अनुभवला आहे. हवामान बदलाचे गावावर, गावातल्या शेतीवर, गावातल्या लोकांवर होणारा परिणाम ती रोज पाहते आहे. हवामान बदलाच्या परिणामामुळेच तिचं घर बुडालं, आई वडील कसत असलेली शेती वाहून गेली. टोकाच्या हवामान बदलाचा परिणाम म्हणून गावातल्या लोकांना डायरिया, काॅलरा या आजारांनी ग्रासले. हे सर्व हवामान बदालाचे परिणाम आहेत, हे तिला शाळेत शिकताना समजलं. हे असंच सुरु राहिलं तर आपल्या गावात कोणीच उरणार नाही. ना कुणाचं घर उरेल ना कोणाची शेती राहील. आपण काहीतरी करायला हवं असं तिला वाटू लागलं.