आई आजोबांना सारख्या सूचना का देते? छोट्याशा जेडेनला पडला मोठा प्रश्न!

सिंगापूरमधल्या आपल्या मित्राची- जेडेनची आणि त्याच्या आजोबांची ही गोष्ट.जेडेनच्या आईचे बाबा म्हणजे त्याचे आजोबा त्यांच्या घरी राहायला येतात. जेडेन ६ वर्षांचा आहे. जेडेनचे आई-बाबा दोघंही ऑफिसला जातात. त्याची आई तर इतकं काम करत असते की बस्स! अगदी दिवसंरात्र म्हणा ना! जेडेनचे आई-बाबा इतके वर्कहोलिक आहेत की, त्यांना जेडेनला द्यायला वेळच नाही.

जेडेनची आई   जेडेनचा  अभ्यास, स्वच्छतेच्या सवयींबद्दल फार जागरूक आहे . त्यात आता तिचे बाबा गावाकडून घरी आलेत. जेडेनला त्याच्याशी लहान मुलासारखं खेळणारे, त्याला खाऊ आणणारे हे प्रेमळ आजोबा खूप खूप आवडलेत. त्याला त्यांच्याशी खूप गप्पा माराव्या, खेळावं, आईच्या लहानपणच्या गोष्टी ऐकाव्यात असं खूप वाटतं. पण जेडेनच्या आजोबांचं हातानं खाणं आणि हायजीन याची त्याच्या आईला जाम काळजी वाटते. जेडेन आजारी पडला तर?