चाॅकलेट-आइस्क्रीमची जाहिरात करायची नाही! असं कुणी ठरवलं?

टी.व्हीवर एखादा कार्यक्रम बघत असताना जर जाहिरात लागली तर मोठी माणसं त्या जाहिरातींच्या ब्रेकमध्ये उठून आपली कामं करतात आणि जाहिरात संपल्यावर पुन्हा टीव्हीसमोर येवून बसतात. पण लहान मुलं मात्र जाहिरातींकडे टक लावून बघत असतात. कारण बऱ्याचशा जाहिराती या खाण्यापिण्याच्या असतात. चाॅकलेट, आइस्क्रीमच्या जाहिराती बघून बरीच मुलं  आई बाबांसोबत बाहेर गेल्यावर त्यांच्याकडे 'काय बरं खायला मागायचं?' याचं प्लॅनिंग करत असतात. तुम्हीही असंच करता का? जरी तुम्ही करत नसला तरी बरीचशी मुलं टीव्हीवरील जाहिरातीत जे बघितलं ते घेवून देण्याचा हट्ट आपल्या आई बाबांकडे करतात.  हे फक्त आपल्याकडेच होतं असं नाही, जगात कुठेही जा मुलं खाण्यापिण्याच्या बाबतीत टीव्हीवर पाहिलेल्या जाहिरातींचे उदाहरण देतात आणि आपल्यासाठी खाण्यापिण्याचे पदार्थ निवडतात. पण जाहिरातीत जे दाखवलं ते आपल्यासाठी, आपल्या आरोग्यासाठी चांगलंच असतं असं नाही, हे कळण्याचं ते वय नसतं. जर चांगलं नाही तर मग टी.व्हीवर कसं बरं दाखवतात, त्या जाहिरातीतल्या मुला मुलींना तर ते खावून काही त्रास झाला नाही, उलट ते आनंदाने किती उड्या मारत होते.. अशा स्वरुपाचे वाद घातले जातात. स्पेन देशातली मुलंही अशीच वागायची. टीव्हीवरल्या जाहिराती बघून फास्ट फूड खाण्याचा आग्रह करायची. यावर उपाय म्हणून त्या देशाच्या सरकारने यावर एक उपाय योजला. तो कोणता?