पाऊस पडत नाही, ऊन प्रचंड तापतंय. पण माणसांना टेन्शनच नाही!

आज हवामान बदलाचे परिणाम जगात सर्वत्रच दिसायला सुरुवात झाली आहे. मात्र काही भागात त्याचे तीव्र परिणाम दिसत आहेत. तर काही भागात थोडे . त्यामुळे ज्या भागात हवामान बदलांच्या परिणामांची तीव्रता कमी आहे तेथील लोक 'छे छ.. हवामान बदल असं काही नसतंच असं म्हणतात. तर अनेकजण पूथ्वीचं तापमान वाढतंय हे मानायलाच तयार नाही. हे तापमान वाढणं हे हवामान बदल नसून हे निसर्गाच्या नियमित चक्रातला एक भाग आहे. त्याचा इतका बाऊ करण्याचं कारण नाही असं म्हणत हवामान बदलाच्या परिणामांकडे दुर्लक्ष करत आहेत.

लोकांना हवामन बदलाचे परिणाम जाणवत आहेत. त्यामुळे मोठ्या हानीला लोकं सामोरे जात आहेत. आणि हे सर्व नुकसान हवामान बदलाचा परिणाम आहे, हेही लोकांना समजत आहे. पण जितक्या प्रमाणात हे जाणवत आहे, तितक्या प्रमाणात मात्र लोकं त्याबाबतची कृती मात्र करत नाही.  कारण लोकांना हवामान बदल ही बाब खूप मोठी आहे, भयंकर आहे असं वाटतं. लोकं हवामान बदलांच्या परिणामांच्या तीव्रतेने घाबरुन गेलेली आहेत. पण काय करावं हे मात्र त्यांना सूचत नसल्याने ती काहीच करत नाहीये!