काळा रंग वाईट असतो का? काळ्या रंगाच्या वाट्याला द्वेष, टीका का येते?

खरंतर गोऱ्या रंगाला अवास्तव महत्त्व मिळालंय. काळ्या सावळ्या रंगाच्या लोकांना चिडवणं, त्यांची रंगावरून किंमत करणं हे आपल्या आजूबाजूलाही घडत असलेलं आपण बरेचदा बघतो.

मुलं सलोनीला त्रास देत असतात,आपला रंग काळा किंवा सावळा असता आणि आपल्याला कुणी रंगावरून चिडवलं असतं तर आपल्याला कसं वाटलं असतं, हा विचारही ही मुलं करत नाहीत.

मुलांची ही चिडवा-चिडवी सुरु असतानाच त्यांच्या वर्गात शिक्षिका येतात. त्या वर्गाच्या बाहेरच शांतपणे थांबून हे सगळं बघत असतात. वर्गात आल्यावर त्या मुलांना रागवत नाहीत; पण मुलांना त्यांची चूक दाखवून द्यायची, त्यांना धडा शिकवायचा, असं त्यांनी मनोमन पक्कं ठरवलेलं असतं. त्या मुलांना एका खेळातून प्रत्येक रंग कसा महत्त्वाचा असतो, हे दाखवून देतात. तसंच प्रत्येक रंगाच्या त्वचेच्या आत एकाच रंगाचं रक्त असतं, हेही सांगतात. त्या शिक्षिका हे त्यासाठी कोणता खेळ मुलांना खेळायला लावतात, हे आपणही बघायचं का? मुलांना ते पटतं का, सलोनीशी मुलं चांगलं वागतात का, हे पाहण्यासाठी आपण सलोनीच्या वर्गाची एक सैर करून येऊया.