खोटं बोलताना नाक गरम का होतं? खोटं बोलण्याचा आणि नाकाचा काय संबंध?

खोटं बोलण्यचा आणि नाक गरम होण्याचा काय संबंध? असाच प्रश्न तुम्हाला पडला असेल.. हो ना? याचं उत्तर हो की नाही, हे जाणून घेण्याआधी एक गोष्ट वाचा. ही गोष्ट आहे पिनोचियोची. कोण हा पिनोचियो. तर हा पिनोचियो म्हणजे इटालियन गोष्टीतला काल्पनिक हिरो आहे. हा पिनोचियो भेटतो तो 'द ॲडव्हेनचर्स ऑफ पिनोचियो'या कोलोडी कार्लो या इटालियन लेखकाने लिहिलेल्या लहान मुलांच्या पुस्तकात. लाकडाचं कोरीव काम करणाऱ्या जेपेटोने पिनोचियोला घडवलं. त्याला आकार दिला. हा पिनोचियो ओळखला जायचा तो त्याच्या नाकासाठी . पिनोचियो खोटा बोलला की त्याचं नाक काही इंचांनी लांब व्हायचं आणि पिनोचियोची खोटं बोलण्याची लबाडी पकडली जायची. पिनोचियो हा लाकडाची कठपुतळी म्हणजे  लाकडी बाहुला होता. त्याचं एक स्वप्न होतं. त्याला खराखुरा मुलगा व्हायचं होतं. पण यासाठी त्यानं खोटं बोलणं सोडायला हवं, ही अट त्याला टाकलेली होती. पण पिनोचियोची ही सवय काही केल्या कमी होत नव्हती. मग एकामागोमाग पिनोचियोवर संकंट येतात. या संकटांचा सामना करता करता पिनोचियो शिकतही जातो. पिनोचियो त्याच्यावर आलेल्या संकटातून उदारपणा, प्रामाणिकपणा आणि मेहनत करायला शिकतो. मग काय परी खूष होते आणि पिनोचियोचं खराखुरा मुलगा होण्याचं स्वप्न पूर्ण होतं.