मुलांचा आवाज फुटतो पण मुलींचा नाही फुटत. असं का होतं?

बहुतेक मुलांमध्ये साधारण ११ वर्षांच्या नंतर सोळा वर्षांपर्यंत कधीतरी हे सुरू होतं. बोलायला तोंड उघडलं की कसला आवाज बाहेर येईल कोण जाणे, अशी भीती वाटायला लागते. जस्टीनसारख्या अनेक गायकांना आवाज फुटल्यामुळे गायला अडचण झाल्याच्या कथा आहेत. त्यातले काहीजण निराश झाले, काहीजणांनी चक्क गाणं सोडून दिलं. पण ‘हेही दिवस जातील’ यावर ज्यांचा विश्वास होता, ते प्रयत्न करत राहिले आणि त्यातून यशस्वीपणे बाहेर पडले. त्यामुळे घाबरायचं कारण नाही. हा आवाज काही असाच विचित्र राहणार नाहीये. फक्त काही महीने जाऊ द्या. तोपर्यंत स्वरयंत्राची वाढ पूर्ण होईल, आवाजाला शिस्त लागेल आणि तो मोठ्या माणसांसारखा भारदस्त येईल. मधल्या काळात तुम्हांला जरा अडचणीचं होईल, हे खरं. थोडी एकमेकांना चिडवाचिडवीही होऊ शकेल, कारण प्रत्येकाचा आवाज वेगवेगळ्या वेळी फुटतो ना!