प्रश्नपत्रिका हातात पडली पण काही आठवतच नसेल तर काय करायचं ?

परीक्षा ही गोष्टच अशी असते की ज्याचा ताण येणं अत्यंत स्वाभाविक आहे. कोणत्याही वयात परीक्षा द्यायची असेल आणि ती कोणत्याही विषयाची परीक्षा असली तरीसुद्धा ताण येणं स्वाभाविक असतं. प्रत्येक परीक्षेचा ताण येतो मात्र ताण जर प्रमाणात असेल तर आपल्या हातून अतिशय उत्कृष्ट कामगिरी होऊ शकते. ताण आहे म्हणून तर आपण अभ्यास करतो, ताण आहे म्हणूनच तर आपण चांगलं अक्षर काढतो, पेपर नीटनेटका देतो.

पण ज्या वेळेला हे ताणाचं प्रमाण वाढतं त्यावेळेला त्याचा परिणाम निओ कॉर्टेक्सवर म्हणजे विचार करणाऱ्या केंद्रांवर होतो . म्हणून मेंदूला काही सुचेनासं होतं. त्यामुळे पेपरमध्ये काहीही येत नसेल तरीसुद्धा ताण न घेण्याचं कौशल्य हे आपल्याला शिकून घ्यावं लागेल. समजा अतिशय वाईट परिस्थितीमध्ये आपण असं म्हणू की प्रश्नपत्रिका हातात पडली आणि त्यातलं काहीही ओळखीचं वाटत नाही तर काय करता येईल?