भक्ष्याला भूरळ घालणारा खोल समुद्रातला हुशार आणि गूढ मासा!

हा मासा मोठा चमत्कारिक. त्याच्या आकरापेक्षा दुप्पट आकाराचं सावजही तो गिळू शकतो. आणि त्याचं पोटही त्याला तशी परवानगी देतं. म्हणजे हा मासा काय खातो, त्याप्रमाणे त्याचं पोट मोठं होतं. या माशाच्या तोंडात अणुकूचिदार, पारदर्शक दात असतात. त्याचा उपयोग करुन तो कठीण कवचाचे जलचर प्राणी खातो त्याचे तुकडे करतो. या माशाच्या पोटात त्याच्या डोक्यावर असलेला बायोल्युमिनिसेंट नावाचा जिवाणू असतो, हा जिवाणू मासा जे खातो , त्याचे बारीक बारीक तुकडे करुन त्याचं पचन करण्याचं काम करतो. तसेच या जिवाणुच्या सहाय्याने या मासा प्रकाश निर्माण करतो. त्यामुळे अंधारातला रस्ता तर त्याला दिसतोच शिवाय इतर प्राण्यांना आपल्याकडे आकर्षित करुन घेतो. ॲंगलर माशाची प्रचनशक्ती फारच मंद असते. त्यामुळे एकदा खाल्लं की पुढे अनेक आठवडे काय खायचं हा त्याच्यापुढे प्रश्न नसतो. कधी कधी तर या माशाला महिनाभरही भूक लागत नाही.