कोण म्हणतं, मुलांचं कोणी ऐकत नाही..टॅजेन यार्डलीची गोष्ट वाचा!

हस्तीदंताचा बेकायदेशीर व्यापार रोखण्यासाठी मांडण्यात आलेलं हे एच २९७ विधेयक पास होवू शकलं नाही. पण हत्तीच्या रक्षणासाठी मुलांमध्ये, तरुणांमध्ये, सामान्य लोकांमध्ये जागरुकता निर्माण करण्यासाठी काम करण्याचा टॅजेनचा निर्धार मात्र पक्का झाला. पृथ्वीवरील हत्ती कसे धोक्यात आले आहे, यावर डाॅक्युमेण्टरी बनवण्याची आयडिया तिच्या डोक्यात आली. शाळेतील एक शिक्षक फिल्म मेकींगचंही काम करतात, हे टॅजेनला माहीत होतं. ती त्या शिक्षकांकडे गेली. त्यांना आपली हत्तींवर डाॅक्युमेण्टरी फिल्म बनवण्याची आयडिया बोलून दाखवली. शिक्षकांनाही टॅजेनचा आयडिया आवडली. त्यांनी तिला मदत केली. टॅजेननेही म्ग या विषयावर काम करायला उत्सुक असलेल्या मुलामुलींना एकत्र आणून टीम तयार केली आणि फिल्म तयार करायला सुरुवात केली. या फिल्मसाठी टॅजेननं पटकथा लिहिली आणि फिल्ममेकर मार्क लाइन लुसी यांच्यासोबत चित्रीकरणही केलं. 

'किडस बॅटल फाॅर अ वर्ल्ड विथ एलिफण्टस'ही टॅजेनची पहिली डाॅक्युमेण्टरी फिल्म २०१६मध्ये प्रदर्शित झाली. या फिल्ममध्ये स्थानिक मुलं हत्तींबद्दल माहिती देत आहे, असं दाखवण्यात आलं. टॅजेनची ही पहिली डाॅक्युमेण्टरी प्रदर्शित झाली, तेव्हा टॅजेन सातव्या ग्रेडमध्ये होती. ही फिल्म फेसबुक, यूट्यूब या सोशल मीडियावरुन जगभरात व्हायरल झाली. जगभरातून अनेक शाळांनी ही फिल्म आपल्या शाळेतील मुलांना दाखवण्याची इच्छा व्यक्त केली.