स्विफ्ट पक्षी वर्षातले १० महिने न थांबता न थकता उडू शकतात!

स्विफ्ट पक्षी खरंच दहा महिने उडतात का?

कितीही खरं मानायचं ठरलं तरी प्रश्न पडतोच की खरंच स्विफ्ट पक्षी सलग दहा महिने उडत असतील का? या शंकेचाही शोध पक्षीतज्ज्ञांनी आणि शास्त्रज्ञांनी घेतला आहे. या शोधाचा निष्कर्ष सांगतो, की स्विफ्ट पक्षी खरोखर दहा महिने आकाशात उडत असतात. शास्त्रज्ञांनी सलग दोन वर्ष १९ स्विफ्ट पक्ष्यांच्या आकाशातल्या हालचालींचा बारकाईनं अभ्यास केला. हा अभ्यास सांगतो की स्विफ्ट पक्षी स्थलांतर करतात तेव्हा स्वीडनवरुन निघतात आणि उडत उडत युरोपमधील पेनिनसुला येथे पोहोचून तिथून पश्चिम आफ्रिका ते मध्य आफ्रिका इथपर्यंत उडत जातत. परतीचा प्रवास करताना स्विफ्ट पक्षी लिबेरिया येथून करतात. या ठिकाणी आठवडाभर स्विफ्ट पक्ष्यांचा मोठा मेळा भरलेला असतो. हे स्विफ्ट पक्षी मोठ्या संख्येने तिथे येतात ते वाळवी या किटकांवर ताव मारण्यासाठी. लाखो स्विफ्ट पक्षी येथे येतात.

स्थलांतराच्या काळात उडताना स्विफ्ट पक्ष्याच्या प्रजातींमध्ये थोडं वैविध्यही आढळून आलं. त्यात स्विफ्ट पक्ष्याच्या काही प्रजाती मध्ये चार रात्रं जमिनीवर येतात, काही प्रजातीचे स्विफ्टस हे काही तास खाली उतरतात. पण अनेक स्विफ्टस हे दहा महिन्याच्या काळात एकदाही एक क्षणही खाली उतरलेले आढळले नाहीत.