वाळवंटात कुठे बर्फ पडतो का? मग सहारा वाळवंटात बर्फ कसा पडला?

सहारा वाळवंटात बर्फ का पडला?

सहारा हे जगातील सर्वात उष्ण वाळवंट असलं तरी सहारा वाळवंटाच्या तीन बाजूंनी समुद्र आहे. पश्चिमेला अटलांटिक समुद्र, पूर्वेला लाल समुद्र, उत्तरेला भूमध्यसागर आहे. तर सहाराच्या दक्षिणेला साहेल सावनाह आहे जिथे काही काळ थोडा पाऊस पडतो. हिवाळ्यात अटलांटिक आणि भूमध्यसागराकडून उत्तर सहाराकडे थंड, आर्द्र हवा खेचली जाते. याकाळात उत्तर सहारा भागात अतिशय थंड वातावरण असतं  मोरोक्को आणि अल्जेरिया हे सहारा वाळवंटातील भाग ॲटलस पर्वतावर उंच ठिकाणी आहेत. हिवाळ्यात आधीच वातावरण गार आणि त्यात जर हवेत आर्द्रता असेल तर अति थंड वातावरणाने हवेतील आर्द्रता गोठते. बर्फाचे स्फटिक ओतात. त्यामुळे जमिनीवर बर्फाची चादर पसरते. आणि या काळात जमिनीच्या पृष्ठभागावरचं तापमानही थंड असेल तर बर्फ लगेच वितळत नाही. अशा प्रकारच्या हवामानाच्या स्थितीमुळे आणि उंच पर्वताच्या सान्निध्यामुळे सहारा वाळवंटात बर्फ पडू शकतो.