३२,००० कि.मी. प्रवास तोही सायकलने.कसं शक्य आहे? लियाम गार्नरलाच विचारा!

सर्व तयारी करुन १ ऑगस्ट २०२१ ला लियाम आपल्या सायकलवरच्या सर्वात लांबच्या प्रवासाला जाण्यासाठी सज्ज झाला. त्याने सोबत घडी घालता येईल असा त्ंबू, स्लीपींग बॅग, एक फोन, प्राथमिक उपचार साहित्य, सायकलचे स्पेअर पार्टस , मोजकेच कपडे , थोडं खाण्याचं सामान आणि पाणी इतकंच सामान घेतलं.  लाॅस एंजलिस ते सॅन फ्रान्सिस्को असा प्रवास त्याने सायकलवर केला असल्याने सायकल प्रवासातले आव्हाने त्याला चांगली माहिती होती. त्याने त्यापध्दतीने अलास्का ते अर्जेटिना या मोहिमेची आखणी आणि तयारी केली होती.

अमेरिकेची सीमा पार करण्यास लियाम याला तीन महिने लागले. डिसेंबर महिन्यात तो मेक्सिकोला पोहोचला. मेक्सिको हे त्याचं सर्वात आवडीचं ठिकाण. कारण त्याचे आई बाबा दोघेही मूळ मेक्सिकोचे. मेक्सिकोला पोहोचल्यनंतर लियामचा पुढचा प्रवास इतका सोपा नव्हता. कारण मेक्सिकोमध्ये त्याला चोरांनी लुटले. नंतर ऊन इतकं वाढलं की त्याला सायकल चालवणं अशक्य वाटू लागलं. पुन्हा घरी परतावं की काय अशी वेळ आली होती. पण लियाम जिद्दी होता, त्याला पुढे जायचंच होतं, आपलं लक्ष्य गाठायचंच होतं.