पळणाऱ्यांना जोश अन लोकांना आनंद देणाऱ्या एका मॅरेथाॅन डाॅगची गोष्ट!

२०२० मध्ये स्पेन्सर आजारी पडला. स्पेन्सरला ट्यूमर झाला. ऑपरेशन करुन ट्यूमर काढला. त्याच्यवर केमोथेरेपीचे उपचारही झाले. स्पेन्सर या आजारातून वाचणार नाही अशीच खात्री होती, पण स्पेन्सर वाचला आणि पुन्हा एप्रिल २०२१मध्ये बोस्टन मॅरेथाॅनला त्याने हजेरी लावली. त्यावर्षी कोविडमुळे एप्रिलऐवजी ऑक्टोबरमध्ये बोस्टन मॅरेथाॅन आयोजित करण्यात आली होती. स्पेन्सरने ऑक्टोबर २०२१ ला बोस्टन मॅरेथाॅनला हजेरी लावली. आता स्पेन्सर खूपच लोकप्रिय झाला होता. मॅरेथाॅनमध्ये भाग घेणाऱ्या रनर्सचा तो आवडता झाला होता. रनर्सची आणि स्पेन्सरची चुकामूक होवू नये म्हणून रिचचे मित्र रस्त्याच्या एका बाजूला हातात होर्डिंग धरुन उभे राहायचे. 'स्पेन्सर रस्त्याच्या उजव्या बाजूला बसलेला आहे' असं या होर्डिंगवर लिहिलेलं असायचं. रनर्स आवर्जून स्पेन्सरची दखल घ्यायचे. थोडा वेळ थांबून त्याला मिठी मारायचे, कुरवाळायचे, त्याच्यासोबत फोटो काढायचे. यामुळे त्यांच्या फिनिशिंग टायमिंग वाढयचा; पण त्याची त्यांना चिंता नव्हती. स्पेन्सरमुळे मॅरेथाॅन रनर्सचा वाढणारा उत्साह आयोजकांच्याही लक्षात आला. त्यांनी स्पेन्सरच्या कामाची विशेष दखल घेतली. २०२२ च्या बोस्टन मॅरेथाॅनच्या आदल्या दिवशी स्पेन्सरचा 'बोस्टन ॲथेलिटस असोसिएशन'ने विशेष सत्कार केला. त्याला खास आलिशान लुमिझिनी गाडीत बसवून कार्यक्रमाच्या ठिकाणी आणलं गेलं. स्पेन्सरला बोस्टन मॅरेथाॅनची रिबीन घालण्यात आली. त्याला ' ग्रॅण्ड बर्कशल' आणि ' व्हेरी इम्पार्टंण्ट पप' नावाचा किताब देवून त्याचा सत्कार करण्यात आला.