मनासारखं करण्यासाठी घरात तयार करा स्वत:चा कोपरा. तो कसा?

'घरात सगळीकडे पसारा करू नको रे.' हे वाक्य तुम्ही आजवर किती वेळा ऐकलंय? रोज किमान दोनदा? आता तर काय सुट्याच आहेत म्हणजे आपण काहीही केलं तरी आई बाबांना पसारा वाटण्याची शक्यताच जास्त त्यामुळे हे वाक्य आता आपल्याला खूप वेळा ऐकावं लागू शकतं. आपण कुठेही बसून काहीतरी खेळलो, किंवा एखादं हस्तकलेचं काम केलं किंवा चित्र रंगवलं किंवा इतर काहीही केलं की तिथे आपोआपच पसारा होतो. तो काही आपण मुद्दाम करत नाही. पण तो होतो तर खरंच. अर्थात तो पसारा आहे असं आईबाबांचं म्हणणं असतं. आपल्या दृष्टीने तो खेळ किंवा रंगच असतात. पण ते बरोब्बर कोणाच्या तरी पायाने सांडतात आणि मग चारही बाजूंनी आपल्या नावाने आरडाओरडा होतो. त्यावर उपाय काय? तर आपलं काम किंवा खेळणं झाल्याबरोब्बर तो सो कॉल्ड पसारा उचलून टाकायचा, सगळं सामान आवरून ठेवायचं आणि ती जागा स्वच्छ चकाचक करून ठेवायची. हे काहीही जमणार आहे का आपल्याला? तर नाही! मग काय रोज बोलणी खायची? तर तेही नाही! मग करायचं काय?