तुमच्याकडे स्वत:चा मोबाईल आहे का? असेल तरीही तो सतत बघायचा नाही. नो स्क्रीन डे/ अवर करायचं आणि ब्रेक्स घ्यायचे. नाहीतर सुट्टी आहे म्हणून दिवसभर आपला फोन चालू असं नको. आणि समजा तुमच्याकडे स्वत:चा फोन नसेल तरीही सारखा आईबाबांकडे फोनसाठी हट्ट करायचा नाही. उलट यावेळी त्यांच्या फोनच्या कव्हर्सना डिझायनर लूक देण्याची जबाबदारी घ्या. स्वत:च्या हातानं मोबाइल कव्हर रंगवणे ही अत्यंत सोपी गोष्ट आहे. पण या छोट्याशा गोष्टीनेही तुम्ही आई बाबांना खूष करु शकतात.
हेही वाचा!
विजेचा बॅटरीचा वापर न करता उजेड तयार करा. त्यासाठी साखर चुरडून पाहा!
मोबाइल कव्हर रंगवताना..
साहित्य:
फोन कव्हर, पोस्टल रंग, हेअर ड्रायर
कृती:
१) फोन कव्हर एका रद्दीच्या कागदावर ठेवा आणि कव्हरच्या मागच्या बाजूला जिथे कॅमेराची चौकट असते त्यावर सेलोटेप लावा.
२) त्यानंतर कव्हरवर पांढऱ्या रंगाचे मोठे तीन थेंब टाका.
३) त्यावर तुमच्या आवडायच्या कुठल्याही दोन रंगांना ओता.
४) आता हेअर ड्रायर ऑन करून या रंगांवर मारा.
५) हेअर ड्रायर मधून येणाऱ्या गरम वाऱ्यामुळे हे रंग एकमेकांमध्ये मिसळतील. पसरतील. अतिरिक्त रंग रद्दीवर सांडू द्या.
६) रंग संपूर्ण कव्हरभर पसरले गेले की हेअर ड्रायर बंद करून कव्हर आणि रंग वाळू द्या.
७) वाळल्यानंतर हळूच कव्हर रद्दीच्या कागदावरून उचला.
८) तुमच्या किंवा आईबाबांच्या मोबाईलचं मस्त डिझायनर कव्हर तयार आहे.
काय वाटलं वाचून ? मजा आली? नवीन काहीतरी कळलं ?प्रश्न पडले?... लग्गेच कळवा! - कसं कळवणार ?
व्हाॅट्सॲप मेसेज करा : ९११२०५०५००
ईमेल पाठवा : urjaa.online@gmail.com
क्लिक करा, मेसेज लिहा :https://urjaa.online/contact
