हत्तीला कुठे गाता येतं का? पण हत्ती गुणगुणतात! ते कसे?

जंगलात हत्ती जेव्हा गर्जना करतो तेव्हा भले भले धाडसी माणसं घाबरुन जातात. हत्तीची गर्जना चांगली गडगडाटी आवाजातली असते. पण हत्ती केवळ गर्जनाच करत नाही तर माणसारखं गुणगुणण्याची क्षमताही हत्तींमध्ये असते. पण हत्तीचं गुणगुणनं मात्र माणसाला ऐकू जात नाही. म्हणूनच हत्ती खरंच गुणगुणतो यावर विश्वासच बसत नाही. हत्तीच्या गुणगुणण्याचा आवाज हा इतक्या कमी वारंवारितेचा (फ्रिक्वेन्सी) असतो की माणसाला तो ऐकू जात नाही. हत्तींमध्ये असलेल्या या गुणगुणण्याच्या क्षमतेवर संशोधकांनी अभ्यास केला आणि त्यानंतर ते अशा काही निष्कर्षावर पोहोचले की त्यातून हत्तींना गुणगुणता येतं यावर शिक्कामोर्तब तर झालंच शिवाय हत्ती जे गुणगुणतात ते इतक्या कमी वारंवारितेचं असतं की आपल्याला ऐकू येत नाही. हत्तींचं गुणगुणनं हे टाइमपास नसतो तर विशिष्ट संदेश देण्यासाठी हत्ती गुणगुणतात.