न थांबता सलग अकरा दिवस प्रवास करणाऱ्या पक्ष्याच्या विक्रमाची गोष्ट

कोण आहे हा पक्षी?

शेपटीवरचे आडवे पट्टे आणि सुरेखपणे कातरलेल्या कागदासारखी दिसणारी त्याची शेपूट ही ' बार टेल्ड गोडविट' या पक्ष्याची मुख्य ओळख. या पक्ष्यानं अलास्का ते ऑस्ट्रेलियातील टास्मानिया हा ८,४३५ मैलांचा प्रवास न थांबता केला. सलग अकरा दिवस अन्न पाणी, विश्रांती काहीही न घेता बार टेल्ड गोडविटने हा प्रवास केला. हा पक्षी स्थलांतरित पक्षी म्हणून ओळखला जातो. हवामानात विशिष्ट बदल झाले, त्या बदलामुळे अन्न मिळणं अवघड होतं, तेव्हा हे प्रक्षी जगण्यासाठी, प्रजननासाठी त्यांन अनुकुल अशा ठिकाणी स्थलांतर करतात. बार टेल्ड गोडविट हे पक्षी मुळातच एका वेळी दीर्घ प्रवास करणारे स्थलांतरित पक्षी म्हणून ओळखले जातात. 

या पक्ष्यांच्या स्थलांतरणाचा प्रवास कसा असतो? ते उडतना कोणता मार्ग निवडतात, त्यांच्या मार्गात किती आणि कोणते अडथळे येतात, त्यावर हे पक्षी कसे मात करतात याचा अभ्यास करण्यासाठी सॅटेलाइट टॅगद्वारे त्यांच्यावर अभ्यासकांनी नजर ठेवली. बार टेल्ड गोडविट या पक्ष्याला शास्त्रीय भाषेत 'लिमोसा लॅपोनिका' असं म्हटलं जातं. सॅटेलाइटद्वारे या पक्ष्याचं निरिक्षण करण्यासाठी या पक्ष्याला २३४६८४ नंबर असलेली चिप त्याच्या पाठीवर खालच्या बाजूने लावलेली होती.