मोठ्यांच्या वेबसीरिज लहान मुलांनी पाहायच्या नाहीत! पण का?

नको ते बघितलं तर..

पण तुम्ही जेव्हा वेब सिरिज बघता तेव्हा त्यावर असं काही सर्टिफिकेट नसतं. ते कुणी बघावेत, त्यात किती मारामारी किंवा सेक्स असावा यावर कुणाचं नियंत्रण नाही. त्यातले काही भाग खूप मजेदार असतात, पण मध्येच असं नकोसं काहीतरी येतं आणि तुम्ही ते बघत राहता. कारण तुम्हांला खूप कुतूहल वाटत असतं. पण कुतूहल वाटलेली प्रत्येक गोष्ट बघायची किंवा करायची म्हटलं तर ते धोकादायक आहे. समजा तुम्हाला सहावीत असताना दहावीचं गणित घातलं, तर समजेल का काही? येईल का सोडवता? नाही ना? तसंच आहे हे. काही काही मुलांना ते बघितल्यावर रात्री झोप येत नाही किंवा भीतीदायक स्वप्नं पडतात. काहीकाही मुलं तसे प्रयोग करायला जातात, किंवा ते सगळं खरं आहे असं धरून बसतात. या गोष्टीचा त्यांच्यावर वाईट परिणाम होतो. यामुळे त्यांचं अभ्यासतही लक्ष लागेनासं होतं. नको त्या वयात नको त्या गोष्टी पाहिल्या तर त्याचा परिणाम मनावर, विचारांवर आणि भावनांवरही होतो. अभ्यास राहातो बाजूला आणि डोक्यात काही भलतंच सुरु राहातं. त्यामुळे जे चित्रपट, बेबसिरिज हे मोठ्यांसाठी असतील, मोठ्यांनीच पहावेत असे असतील तर ते बघणं टाळणं हे आपल्या हातात असतं.