पृथ्वीवरचा ग्रीन हाउस इफेक्ट म्हणजे काय? तो कशाने निर्माण होतो?

ग्रीन हाऊस म्हणजे..

ग्रीन हाऊस म्हणजे हवाबंद काचेची खोली. याचा वापर प्रामुख्याने शेतीत केला जातो. व्यावसायिकरित्या वनस्पती उगवण्यासाठी, पिकं घेण्यासाठी ग्रीन हाऊसचा वापर केला जातो. ज्या ठिकाणी अत्यंत थंड वातावरण असतं, बर्फाळ वातावरणात जिथे शेती करणं तर दूरच पण साधी वनस्पती उगवणं देखील अशक्य असतं तिथे या ग्रीन हाऊसचा वापर केला जातो.

ग्रीन हाऊस ज्या विशिष्ट प्रकारे तयार केलेलं असतं त्या विशिष्ट संरचनेतून 'ग्रीन हाऊस इफेक्ट तयार होतो. ग्रीन हाऊसच्या भिंती काचेच्या असतात तर त्याचं छत हे अर्धपारदर्शक असतं. येथूनच सूर्याचा प्रकाश ग्रीन हाऊसच्या आत येतो. ग्रीन हाऊसच्या पृष्ठभागावरची सूर्याची ऊष्णता पुन्हा परावर्तित होवून बाहेर पडू शकत नाही. ती ग्रीन हाऊसमधील वायूंद्वारे पुन्हा शोषली जावून ही उष्णता संपूर्ण ग्रीन हाऊसमध्ये पसरते. पाण्याची वाफ, कार्बन डाय ऑक्साइड, मिथेन आणि ओझोन हे वायू ग्रीन हाऊसमध्ये असतात. म्हणून यांना ग्रीन हाऊस गॅसेस म्हणतात. मराठीत याला हरित गृह वायू असं म्हणतात. यातील बरेचसे वायू हे सौर ऊर्जेचं उत्सर्जन शोषून घेण्यास सक्षम नसतात. त्यामुळे त्यांच्याकडून शोषली गेलेली सुर्याची उष्णता पुन्हा वातावरणात मिसळली जावून वातावरण गरम होतं.