आपल्या नाकाला १ लाख कोटी वास ओळखता येतात! ते कसे?

आपलं नाक किती वास ओळखू शकतं? हे तुम्ही संख्येत सांगू शकाल का? तुम्हाला जर सांगितलं की आपलं नाक म्हणजे मानवाचं नाक १०,००० गंध म्हणजेच वास ओळखू शकतं तर तुम्हाला ते पटेल का? आणि जर मी तुम्हाला सांगितलं की मानवाचं नाक १ लाख कोटी वास ओळखू शकतं. तर तुम्ही म्हणाल.. काही काय? बस करा ही फेकाफेकी! पण ही फेकाफेकी नाही. शास्त्रज्ञांनी संशोधन करुन हे सिध्द करुन दाखवलं आहे.

सुरुवातीला मानवाचं नाक १०,००० गंध स्वतंत्रपणे ओळखू शकतं असं मानलं जात होतं. पण नंतर 'सायन्स' या विज्ञान मासिकात प्रसिध्द झालेलं संशोधन मानवाच्या नाकाने उत्तेजना देणारे घटक स्वतंत्रपणे ओळखण्याच्या बाबतीत डोळे आणि कानाच्या क्षमतांवरही मात केली आहे.

न्यूर्याक येथील राॅकफेलर युनिव्हर्सिटीजचे संशोधक म्हणतात की, रोजच्या आयुष्यात आपल्या घाणेंद्रियांच्या एकूण क्षमतेचा खूप छोटा भाग वापरत असतो. मानवाचे डोळे तीन प्रकाश ग्रहणाचा वापर करत १ कोटी रंग स्वतंत्रपणे ओळखू शकतात तर कान ५० लाख ध्वनी ऐकू शकतात. पण नाकाची कामगिरी ही डोळे आणि कानापेक्षाही खूप जास्त आहे.