आजारी पडू नये म्हणून ग्रेट बस्टर्ड स्वत:च्या मनानेच घेतात औषधं!

आपण आजारी पडलो की दवाखान्यात जातो. डाॅक्टर आपल्याला तपासून औषधं देतात. औषधं घेतली, आराम केला की आपल्याला बरं वाटतं. आजार जर छोटाच असेल तर आजी- आई आपल्याला घरच्याघरी औषध देवून बरं करतात. इतकंच नाहीतर आजारी पडू नये म्हणून  पौष्टिक पदार्थ खाऊ घालून आई आपली रोगप्रतिकारशक्ती वाढवते. पण जेव्हा प्राणी पक्षी आजारी पडतात, तेव्हा ते काय करत असतील बरं असा प्रश्न पडतो का तुम्हाला? आजरी पडल्यावर औषध घेणं, आजारावर उपचार करणं हे फक्त माणसालाच जमतं असं वाटतं का तुम्हाला? जर असं वाटत असेल तर आपला समज चुकीचा आहे.  हे खरं आहे की पक्षी आजारी पडल्यावर स्वत:हून कोणत्या दवाखान्यात जावू शकत नाही. पण ते स्वत:च आजारावर उपचार मात्र करु शकतात हे संशोधकांनी आपल्या संशोधनातून सिध्द केलं आहे. ग्रेट बस्टर्ड ज्याला भारतात माळढोक नावाने ओळखलं जातं हे पक्षी विशिष्ट जंतूपासून स्वत:चं रक्षण करण्यासाठी स्वत: उपचार करतात.