ब्यूटीफूल आणि म्युझिकल फाॅरेस्ट पाहायचंय, चला बांबूच्या जंगलात!

म्युझिकल फाॅरेस्ट

जगातलं सगळ्यात सुंदर जंगल म्हणून अरशियामा प्रसिध्द आहे . जगात सर्वात जास्त फोटो याच जंगलाचे घेतले गेले आहेत. या जंगलाच्या नावावरचा हा विक्रमच आहे जणू. पण हे जंगल केवळ डोळ्यांनाच आनंद देतं असं नाही तर आपल्या कानांनाही आनंद देतं. हे जंगल श्रवणीय आहे असं म्हटलं जातं. आता तुम्ही म्हणाल गाणं श्रवणीय असतं, जंगल कुठे श्रवणीय असतं का? पण अरशियामा जंगलाचं हेच तर वैशिष्ट्य आहे की या जंगलातून जाताना कानावर सुंदर संगीत पडतं. हे संगीत कोणी रेकाॅर्डवर प्ले करत नसतं किंवा जंगलाच्या कुठल्या कोपऱ्यात बसून ते कोणी वाजवत नाही तर या जंगलातून वाहणारा वारा आणि बांबू यांच्या सहाय्यानं जो आवाज/ नाद निर्माण होतो. या बांबूच्या जंगलातलं हे नॅचरल म्युझिक ऐकायलाही जगभरातून लोकं येतात. जपानच्या सरकारनं या बांबूच्या जंगलातल्या आवाजाचा समावेश जपानच्या १०० साउण्डस्केपमध्ये केला आहे.